NAUHA/LYRICS/SADAT E KARBALA CHEHLUM KO KARBALA...........

Sadaat-e-Karbala, sadaat-e-Karbala.
Chelum ko Karbala mei jab aayi wo bibiyan.
1)
Kuch bibiyan yaaha hai kuch bibiyan waha
Karti hui fuga (x2)
Arey bikhri hui thi maktale sarwar mei jabaja.
2)
Ek bibi dashte khooni mei jaati thi nehr par
Kehti ba chashme tar (x2)
Abbas dene aayi hoo pursa Sakina ka.
3)
Gut gut ke ladli teri zindaan mei mar gayi
Turbat wahin bani (x2)
Bhaiya woh qaid se na hui maar ke bhi juda.
4)
Akbar ki kabr par yun hui Laila nauha gar
Dekha na saal bhar (x2)
Aayi hun qaide Shaam se ab hoke main reha.
5)
Banu yeh ben karti thi aye mere bezubaan
Maa dhoonde ab kahan (x2)
Batlade hai kahaan mera Asghar aye Karbala.
6)
Qurbaan tere aye mere maa jaye bewatan
Majboor thi behen (x2)
Zindaan mei mujse teri amanat hui juda.
7)
Rote hai khaas-o-aam tera sun ke ye kalaam
Aye Shah ke ghulaam (x2)
Nauha tera "Anees" hai maqboole baregaah.